“ඒකාබද්ධ අලුත් අවුරුදු නැකැත් සීට්ටුවට අවසන් එකඟතාවය”
ඒකාබද්ධ අලුත් අවුරුදු නැකැත් සීට්ටුවක් ප්රකාශයට පත්කිරීමට දෙපාර්ශවයේම එකඟතාවය හිමි වූ බව බුද්ධශාසන, ආගමික සහ සංස්කෘතික කටයුතු අමාත්ය ආචාර්ය හිනිඳුම සුනිල් සෙනවි මහතා අද (16) විශේෂ මාධ්ය හමුවකට එක්වෙමින් පැවසීය.
මෙහිදී අමාත්යවරයා වැඩිදුරටත් පවසා සිටියේ, ඈපා පංචාංග ලිත් කතෘ ඉන්දික ඈපා සෙනවිරත්න, තිරසර පංචාංග ලිත් කතෘ චමත් කොතලාවල සහ විකල්ප නැකත් කණ්ඩායමේ සාමාජිකයින් තමා සමඟ පැවති සාකච්ඡාවේ දී මෙම අවසන් එකඟතාවයට පැමිණි බවය.
ඒ අනුව හෙට (17) දිනයේ නැකැත් සීට්ටුව මුද්රණය කර, රාජ්ය නැකැත් සීට්ටුව ලෙස ජනතාවට ලබාදීමට කටයුතු කරන බව සුනිල් සෙනවි මහතා පැවසීය.
