විදේශ කටයුතු, විදේශ රැකියා සහ සංචාරක අමාත්ය විජිත හේරත් මහතා 17 වන අඟහරුවාදා කොළඹ ජෙට්වින් බාන්ස් ශාලාවේ පැවැති LilyLanka වේදිකාව විවෘත කිරීමේ අවස්ථාවට එක්වෙමින් ශක්තිමත් සංචාරක ඩිජිටල් යටිතල පහසුකම් පද්ධතියක අවශ්යතාවය අවධාරණය කළේය.
“ශ්රී ලංකාවේ සංචාරක ව්යාපාරයට LilyLanka”
සංචාරක කර්මාන්ත පාර්ශ්වකරුවන් අමතමින් අමාත්යවරයා සඳහන් කළේ, ගෝලීය සංචාරක ව්යාපාරය වැඩි වැඩියෙන් හැඩගැසී ඇත්තේ සංචාරකයින් ගමනාන්ත සොයා ගන්නා ආකාරය සහ වෙන්කරවා ගන්නා ආකාරය කෙරෙහි බලපාන ඩිජිටල් වේදිකා මත බවයි. ඩිජිටල් ආර්ථිකයක් සහ ස්මාර්ට් සංචාරක ව්යාපාරයක් සඳහා ශ්රී ලංකාවේ ගෙන ඇති හැරවුම කෙරෙහි සමපාත වන කාලෝචිත මුලපිරීමක් ලෙස LilyLanka පෙන්වා දිය හැකි අතර, රට තුළ සංචාරක ආදායමෙන් වැඩි කොටසක් රඳවා ගැනීමට ද මෙය උපකාරී වනු ඇතැයි පෙන්වා දුන්නේ ය.
රජය සහ කර්මාන්ත අතර ශක්තිමත් සහයෝගීතාවයක් තිරසාර වර්ධනයක් සඳහා අත්යවශ්ය බව අවධාරණය කරමින්, හෝටල්, සංචාරක ක්රියාකරුවන් සහ සංචාරක ආයතනවලින් වේදිකාවට ක්රියාකාරීව සහාය වන ලෙස ද අමාත්යවරයා ඉල්ලා සිටියේය. ශ්රී ලංකාව ගෝලීය ගමනාන්තයක් ලෙස වඩා හොඳින් සැලසුම් කිරීම සහ ප්රවර්ධනය කිරීම සඳහා ජාතික රාමුවක් තුළ සංචාරක දත්ත කළමනාකරණය කිරීමේ වැදගත්කම ද අමාත්යවරයා අවධාරණය කළේය.
