ජපන් භාෂා පුහුණු මධ්යස්ථානයක් මුවාවෙන් පවත්වාගෙන යමින් ජපානයේ ඉදිකිරීම් ක්ෂේත්රයේ, හෝටල් ක්ෂේත්රයේ හා රියදුරු රැකියා සඳහා පුද්ගලයින් යොමුකිරීමට කටයුතු කළ කුරුණෑගල, මහව ප්රදේශයේ පවත්වාගෙන ගිය වංචනික විදේශ රැකියා ආයතනයක් ශ්රී ලංකා විදේශ සේවා නියුක්ති කාර්යාංශයේ විශේෂ විමර්ශන ඒකකයේ නිළධාරීන් විසින් වැටලීම් කර තිබේ.
“ජපන් භාෂා පුහුණු මධ්යස්ථානයක් මුවාවෙන් පවත්වාගෙන ගිය හොර ඒජන්සිය වටලයි”
ජපානයේ රැකියාවක් ලබාදීම සඳහා මෙම ආයතනයේ හිමිකරු විසින් රු.750,000.00 ක මුදලක් ලබාගෙන පොරොන්දු වූ පරිදි රැකියාව ලබා නොදුන් බවට කාර්යාංශයට ලද පැමිණිල්ලක් අනුව මෙම විමර්ශනය මෙහෙයවන ලදී. විමර්ශන නිළධාරීන් විසින් උපායදූතයෙකු යොදා ගනිමින් මේ රැකියා ජාවාරම පිළිබඳව කරුණු සොයාබැලූ අතර, එහිදී ජපන් භාෂාව පුහුණු කරන මුවාවෙන් මෙම ආයතනය පවත්වාගෙන යන බවත්, සුදුසුකම් නොමැති පුද්ගලයින්ට විශ්ව විද්යාල උපාධි සහතික හා අනෙකුත් අවශ්ය සහතික කූට ලෙස සකස් කරන බවත් අනාවරණය විය.
ඒ අනුව ක්රියාත්මක වූ විමර්ශන නිළධාරීන් විසින් කුරුණෑගල, මහව, දළදාගම හන්දියේ පවත්වාගෙන ගිය අදාල ස්ථානය වැටලීම් කර එය පවත්වාගෙන ගිය අඹු සැමි යුවළක් අත්අඩංගුවට ගන්නා ලදී. අදාළ ස්ථානය පරික්ෂා කිරීමේදී එහි තිබී ජපානයේ රැකියා ලබාදෙන බවට වූ ගිවිසුම්, මුදල් ලබාදීමේ කුවිතාන්සි, ප්රචාරක පත්රිකා, ජංගම දුරකථන හා ලැප්ටොප් පරිගණක නිළධාරීන් භාරයට ගෙන ඇත. ලැප්ටොප් පරිගණකය පරික්ෂා කිරීමේදී විවිධ පුද්ගලයින්ගේ නම්වලට ව්යාජ ලෙස සකස් කරන ලද ලංකාවේ ප්රසිද්ධ විශ්ව විද්යාලවල සහතික, ප්රසිද්ධ ඉදිකිරීම් ආයතනවල සේවා සහතිකවලට සමානව සකස් කරන ලද ව්යාජ සේවා සහතිකවල ආකෘති හමුවී තිබේ.
අත්අඩංගුවට ගත් සැකකාර යුවළ මහව මහේස්ත්රාත් අධිකරණය වෙත ඉදිරිපත් කිරීමෙන් අනතුරුව වරද පිළිගැනීම හේතුවෙන් දැඩි ඇප කොන්දේසි මත නිදහස් කරන ලද අතර, එම යුවලට අධිකරණය මගින් විදෙස් ගමන් තහනමක්ද පනවන ලදී.
මෙම වැටලීම මධ්යම අපරාධ විමර්ශන අංශයේ අධ්යක්ෂක ජ්යෙෂ්ඨ පොලිස් අධිකාරී කමල් ආරියවංශ මහතාගේ අධික්ෂණය යටතේ, කාර්යාංශ විශේෂ විමර්ශන ඒකකයේ ස්ථානාධිපති ප්රධාන පොලිස් පරීක්ෂක පී.බී.ආරියසිංහ, පොලිස් පරීක්ෂක ටී.බී. ද අල්විස්, නීති ක්රියාත්මක කිරිමේ නිළධාරී ශ්රිනිකා කරුණාරත්න යන නිළධාරීන් සහභාගී විය.
